About - NZ Design Week

Te Take

Kei konei a New Zealand Design Week hei tūhono i ngā tāngata mā te hoahoa - te kawe atu i a Aotearoa ki te ao, te kawe mai i te ao ki Aotearoa nei.

He whakanui kauawhi tēnei o ngā mātai hoahoa katoa, i whakatūria mai mā te ahumahi, mā ngā ringa auaha, mā te hunga e pākiki ana ki te hoahoa anō hoki.

Whakatūria ai te NZDW ia te tau, he hōtaka kotahi wiki te roa e tautoko nei i te auahatanga, i te tipuranga ahumahi mā ngā whakaaturanga, mā ngā kauhau, mā ngā wheako rumaki hoki ka whakakāngia ai te hononga, te auahatanga, te kōrerorero anō hoki.

He pae tēnei e tino hiahiatia ana mō te tiri whakaaro, mō te whakanui auahatanga hoki, i puta mai a NZDW hei kāinga haumaru, kauawhi hoki mō ngā momo katoa o te hoahoa. Mā ngā kaihoahoa whare, mā ngā kaihanga mea, mā ngā kaihoahoa matihiko, mā ngā kaiwhakaaro mokowā, mā ngā ringa auaha taera, mā ngā kaihanga taputapu ā-whare, mā ngā waha kōrero, mā te hunga whakaaro rautaki anō hoki - mā ngā tāngata katoa e aroha noa ana ki tā rātou e waihanga rā.

Hītori

I whakatūria a New Zealand Design Week i te tau 2023 e Jen Jones - he kaiārahi hanganga, he reo i te ao pāpāho, he kaihāpai mauroa mō te hapori hoahoa o Aotearoa.

I whakatūria nei hei tuku i tētahi pae ki ngā kaihoahoa kia tūhono tētahi ki tētahi, kia mahi ngātahi, kia kitea ai anō hoki, ā, he tere te whanake mai a NZDW kia tū mai hei huihuinga e mōhiotia ana huri noa i te motu.

I roto i ngā tau e rua kua tipu mai nei hei whakaaturanga nui o ngā mahi totoko, o te auahatanga, me te whakamanea mai i ngā kaikauhau huriao, i ngā hoa ahumahi, i te tini mano o te hunga e tae mai ana, me te noho tonu hoki hei kāinga kauawhi, arotahi-anamata mō ngā āhuatanga katoa o te hoahoa.

There’s incredible work happening here - but not always the infrastructure to support it. NZDW was created to give the design community something of its own. A week to show up, stand out, and be part of something bigger.